Россиянинг Санкт-Петербург шаҳрида бокс бўйича «Губернатор кубоги» ўз якунига етди. Унда иштирок этган терма жамоамиз жами 6 та медаль жамғарди.

Бугун финал жангларида қатнашган 5 нафар вакилимизнинг 4 таси баҳсларни муваффақиятли якунлади. +91 кг финалида Баҳодир Жалолов мусобақа мезбонларидан бири Иван Верясовни нокаутга учратиб, турнирга чиройли якун ясаб берди. Шунингдек, Нодиржон Мирзаҳмедов (-49 кг), Шаҳобиддин Зоиров (-52 кг) ва Миразизбек Мирзаҳалилов (-57 кг) ҳам олтин медални қўлга киритишган бўлса, Абдумалик Халаков (-60 кг) кумуш ва Бобоусмон Батуров (-69 кг) бронза медалига сазовор бўлди.

Финалда қайд этилган натижалар:
-49 кг: Нодиржон Мирзаҳмедов – Игор Сарегородсев (Россия) 4:1 (ғалаба)
-52 кг: Шаҳобиддин Зоиров – Маҳмут Сабирхан (Қозоғистон) 5:0 (ғалаба)
-57 кг: Миразизбек Мирзаҳалилов – Дмитрий Спивак (Россия) 5:0 (ғалаба)
-60 кг: Абдумалик Халаков – Алберт Батиргазиев (Россия) 0:5 (мағлубият)
+91 кг: Баҳодир Жалолов – Иван Верясов (Россия) (Баҳодир иккинчи раундда рақибини нокаутга учратди)