«Барселона» ҳимоячиси Хорди Альба Ла Лига 33-турида «Гранада»дан учралган мағлубиятдан (1:2) сўнг ўз фикрини билдирди.

“Бугун биз учун аталмади. Охиригача курашдик, аммо омад юз ўгирди. Бу чемпионлик йўлидаги ажойиб имконият эди, Бироқ энди вазият фақат бизга боғлиқ эмас. «Гранада»да иккита имконият бўлди ва улар голга айланди.

Бунгача бўлган кўплаб ўйинларда очко йиғиб бориш керак эди. Барчаси ўзз қўлингда бўлиб турган вақти бу каби ҳолатлар анчайин аламли. Шафқатсиз зарба бўлди.

Энди қолган бешта учрашувда ғалаба қозониш орқали буни енгиб ўтиш мумкин. Бироқ мавсумни яхши ўтказмоқдамиз деб айта оламан», - дейди Альба.