Ўзбекистон Суперлигаси 7-туридан ўрин олган дастлабки учрашувда, «Қизилқум» «Навбаҳор» билан тўқнаш келди.
Навоийда майдон чими билан боғлиқ масалалар бўлганлиги сабабли Муборакда ўтказилган баҳс 1:1 ҳисобидаги дуранг билан ўз ниҳоясига етди.
Дастлаб, навоийликлардан Мате Ватсадзе Салим Мустафоевнинг узатмасини голга айлантирган ҳолда ҳисобни очди.
Кейинчалик эса, Забиҳулло Ўринбоевнинг узатмасидан сўнг, Эҳсони Панжшанбе гол киритиб мувозанатни тиклади. Ушбу ҳисоб учрашув сўнгига қадар сақланиб қолди ва бу натижа орқали «Қизилқум» 7 очко билан саккизинчи ўринга кўтарилди. Виктор Жалилов бошчилигидаги «Навбаҳор» эса 6 очко билан ўнинчи ўринни банд этмоқда.
Суперлига. 7-тур
«Қизилқум» - «Навбаҳор» - 1:1
Голлар: Мате Ватсадзе (9)1:0, – Эҳсони Панжшанбе (37)1:1.
«Қизилқум»: 1. Игнатий Нестеров, 6. Эркин Бойдуллаев, 7. Ойбек Қиличев (8.Георги Кухианидзе, 74), 10.Мате Ватсадзе, 14.Файзулла Қамбаров, 17. Салим Мустафоев (18.Жасур Азимов, 62), 19. Жамшид Ҳасанов (11.Шамсиддин Саъдуллаев, 63), 20. Ислом Тўхтахўжаев, 21.Муҳсин Убайдуллаев, 23. Шерали Жўраев, 30. Элгужа Григалашвили.
«Навбаҳор»: 1.Ўткир Юсупов, 7.Азимжон Аҳмедов, 8.Сардор Теляков, 9.Иван Соловьёв (25.Шохруҳ Маҳмудҳожиев, 76), 10.Қувондиқ Рўзиев (4.Фарҳод Мираҳматов, 69), 11.Исломбек Исоқжонов, 17.Эҳсони Панжшанбе, 19.Мирзоҳид Ғофуров, 22.Игорь Голбан, 70.Аббос Ғуломов, 95.Забиҳулло Ўринбоев (67.Марко Путинчанин, 69).
