"Манчестер Сити" ярим ҳимоячиси Рияд Маҳрез Чемпионлар Лигаси ярим финал жавоб учрашувида "ПСЖ"ни мағлубиятга (2:0) учратганидан сўнг, қарши ҳужумларда ўйнаш режаси йўқлигини таъкидлади.
"Жуда яхши ўйин. Шунга қарамай, биз уни одатдагидай бошлай олмадик: биринчи бўлимни яхши ўтказмадик, аммо биз гол урдик ва ўзимизни янада қулай ҳис қилдик.
Иккинчи бўлимни яхши ўйнадик ва кўпроқ гол уришимиз мумкин эди. Қизил карточкадан сўнг улар тинчланиб қолишди. Қарши ҳужумда ўйнаш режамизда бор эди деб айта олмайман. Аммо рақиб олдинга интилаётганда, иккита голимиз айнан қарши ҳужумларда урилди.
Бизни шанба куни навбатдаги ўйин кутиб турибди ва чемпионликни таъминлаш учун бизга ғалаба керак. Кейин эса бор эътиборимизни Чемпионлар Лигаси финалига тайёргарлик кўришга қаратамиз", - дея Маҳрезнинг сўзларини келтирган УЕФА матбуот хизмати.
