Ливерпульнинг "Эвертон" клуби шарафини ҳимоя қилаётган россиялик Динияр Билялетдинов Москванинг "Спартак" клубига ўтди, дея хабар бермоқда бир қатор нашрлар.

3 йил олдин Москванинг "Локомотив" клубидан "Эвертон"га трансфер қилинган ярим ҳимоячи, бир неча қулай таклифлар бўлган бир пайтда, яна ватанига қайтишга аҳд қилган. Маълумотларга қараганда, Германиянинг "Вольфсбург" клубидан футболчига жиддий ва қулай таклиф бўлган. Аммо футболчи, бундеслига жамоасига ўтишни шахсий сабабларга кўра истамаган.

Сешанба куни Билялетдинов Москвага тиббий кўрикдан ўтиш учун ташриф буюради. "Спартак" футболчи учун "Эвертон" клубига 2 миллион евро тўлаган.