«Гронинген» яримҳимоячиси Арьен Роббен Нидерландия миллий жамоаси бош мураббийи Франк де Бур таклиф этса, Евро-2020да қатнашишга тайёрлигини маълум қилди.
37 ёшли футболчи Нидерландия чемпионатининг 32-туридан ўрин олган «Эммен» (4:0) билан баҳсда 2та голга ассистентлик қилди.
«Европа чемпионтига борардим. Бу кулгили туюлиши мумкин, аммо Евро-2020га бориш – орзуйим.
Аллақачон эртанги кунги хабарларнинг сарлавҳаларини тасаввур қиляпман. Ҳозир «аниқ ўйнай оламан» деб айтмаяпман. Лекин де Бур қўнғироқ қилса, «ҳа» деб жавоб бераман», – дея Роббеннинг сўзларини келтиради Sky Sports.
Эслатиб ўтамиз, яримҳимоячи 2019 йили фаолиятини якунлаб, 2020 йил ёзида яна майдонга қайтганди.
