Янги мавсумга тайёргарликнинг учинчи босқичини Бирлашган Араб Амирликларининг Дубай шаҳрида ўтказаётган Ғузорнинг «Шўртан» клуби йиғин мобайнида тўртта ўртоқлик учрашуви ўтказади.
Икки кун муқаддам Игорь Криушенко шогирдлари БАА Про-лигаси вакили «Ажнман» клубига қарши дастлабки ўртоқлик ўйинини ўтказиб бўлишган эди. Энди «оқ бўрилар» 26 январь куни Россиянинг амалдаги чемпиони — Санкт-Петербургнинг «Зенит» клуби билан баҳс олиб боришади.
Шунингдек, 29 январь куни Бирлашган Араб Амирликлари миллий терма жамоаси навбатдаги ўртоқлик учрашувда «Шўртан»га рақиблик қиладиган бўлса, сўнгги ўртоқлик баҳсида Хитойнинг «Дальян Шайд» клубига қарши майдонга чиқилади. Бу ўртоқлик учрашуви 2 февраль кунига мўлжалланган.
