"Барселона" ва жамоа сардори Лионель Месси 30-июнда тугайдиган шартномани узайтириш бўйича музокараларни бошлади, деб хабар бермоқда Sports.es.

Каталония клуби президенти Жоан Лапорта ва футболчининг агенти Хорхе Месси сўнгги кунларда бир неча бор учрашишди. Аммо, клуб ҳали расмий таклиф билан чиқмаган.

Футболчи учун энг муҳим жараён - бу жамоани ривожлантириш концепциясидир. У ёзги трансфер ойнасида таркибни кучайтиради деб умид қилмоқда.

Футболчи Испанияда қолмоқчи. Бироқ, Англиянинг "Манчестер Сити" ва Франциянинг "ПСЖ" клублари вазиятни ривожланишини диққат билан кузатиб боришмоқда.

Мессининг "Барселона" билан шартномаси мавсум охирида ўз ниҳоясига етади. Аргентиналик футболчи ўтган ёзда жамоани тарк этишни ният қилган эди, аммо шартномани бекор қилишга рози бўла олмади.

Апрел ойида унинг "Барселона"да қолишга тайёрлиги, аммо Лапорте билан учрашишни ва у билан янги лойиҳани муҳокама қилмоқчи эканлиги ҳақида хабарлар тарқалганди.