Гари Невиллдан сўнг «канонирлар»нинг собиқ яримҳимоячиси, 1994 йилда клуб билан Кубок эгалари кубогини ютган Рэй Парлор ҳам «Арсенал» ҳужумчиси Андрей Аршавиннинг ўйинини танқд остига олди.

Инглиз футболчисининг айтишича, россиялик форвард аллақачон футбол билан қизиқмай қўйган.

— Аршавиннинг ўйинларига объектив баҳо беришим жуда қийин, — дея Парлор сўзларидан иқтибос келтирмоқда Talksport. — Венгер уларни ҳар куни шуғуллантиради, шубҳасиз, ҳамма нарса унга маълумдек. Лекин, назаримда, Андрей фубол билан қизиқмай қўйганга ўхшаяпти. Балким майдонда унинг кам ҳаркат қилаётгани бунга сабабчидир. Шу боис у «Арсенал»ни қанчалик тез тарк этса, эҳтимол, «канонирлар»га ҳам, футболчининг ўзига ҳам шунчалик яхши бўлади. У жуда кам ўйнамоқда, майдонга тушганда ҳам ҳеч нарса кўрсата олмаяпти. Мен ҳеч қачон уни «Манчестер Юнайтед»га қарши ўйинга туширмаган бўлардим».