«Барселона» «Манчестер Сити» ҳужумчиси Серхио Агуэро ва «Лион» ҳужумчиси Мемфис Депай билан шартнома имзолаши мумкин.

Mundo Deportivoнинг хабар беришича, аргентиналик футболчининг Каталония клубига ўтиши Депайни «Барса»га таклиф қилиш имкониятини истисно этмайди.

Бугун клуб президенти Хуан Лапорта билан учрашадиган «Барселона» бош мураббийи Роналд Куман Депайни жамоада кўришни истамоқда, чунки у нафақат марказий ҳужумчи сифатида, балки ҳужум қанотида ҳам ҳаракат қила олади.

Қайд этиш жоиз, жорий мавсумда Агуэро АПЛда 11 ўйин ўтказиб, 2 гол урди ва 1 голли узатмани амалга оширди. Депай эса Лига 1да 35 учрашув ўтказиб, ўз ҳисобига 19 гол ҳамда 10 ассист ёздириб қўйди.

Эслатиб ўтамиз, иккала футболчи ҳам ёзда эркин агентга айланади.