«Женоа» ҳужумчиси Элдор Шомуродов А Серия 36-тури доирасида «Болоня»га қарши кечган 12-май кунги учрашувда (2:0) майдонга тушди.

WhoScored портали ўзбекистонлик футболчининг ушбу учрашувдаги ҳаракатларини 7,7 баллга баҳолаган. Бу генуяликлар сафида Давиде Заппакоста (8,7 балл) ва Маттиа Периндан (8,5) кейинги энг яхши натижа бўлди. Элдор баҳсни асосий таркибда бошлади ва тўлиқ ҳаракат қилди.

Шомуродов учрашув давомида 42 марта тўпга тегинди. Ҳамюртимиз дароза томон 4 бор зарба берди. Шулардан иккитаси аниқ, иккитаси эса ноаниқ кўриниш олди.

Унинг 27 узатмасидан 17 таси (63%) аниқ чиқди. 25 ёшли футболчи майдонда 8 марта яккакурашга киришиб, уларнинг олтитасида муваффақият қозонди. Ҳаводаги курашда 9 уринишнинг учтасида ютиб чиқди.

Ўз навбатида, SofaScore портали эса ўзбекистонлик ҳужумчининг ўйинини 7,8 баллга лойиқ кўрди.

Маълумот ўрнида, Шомуродов А Сериянинг 2020/21-йилги мавсумида 29 ўйин ўтказиб, 5 гол ва 1 голли узатмага муаллифлик қилди.