Лондоннинг «Арсенал» клуби ҳимоячиси Давид Луис ушбу ёзда тарк этади, деб хабар беради GFFN. Манбага кўра, Давид Бекхемнинг «Интер» Маями клуби 34 ёшли бразилияликни сотиб олишга қизиқмоқда.
Футболчи жамоани эркин агент сифатида тарк этиши кутилмоқда, чунки унинг шартномаси 2021 йил июнь охиригача амал қилади.
Давид Луис «Арсенал» да 2019 йилнинг августидан бери ўйнаб келмоқда. 2020/21 йилги мавсумда футболчи жамоа таркибида 30та ўйин ўтказди ва иккита гол урди.
Аввалроқ «канонирлар» асосий таркибнинг бешта ўйинчиси - дарвозабон Бернд Лено, ҳимоячилар Эктор Беллерин ва Давид Луис, ярим ҳимоячи Гранит Жака ва ҳужумчи Александр Лаказетт билан хайрлашишга тайёр эканлиги ҳақида хабарлар тарқалган эди.
