«Манчестер Сити» ҳимоячиси Бенжамин Менди бошқа бир инглиз гранди сафига ўтиш мумкин.
Manchester Evening News хабарига кўра, Лондоннинг «Челси» клуби 26 ёшли французни сотиб олишга қизиқиш билдирмоқда.
Бенжаминнинг «шаҳарликлар» билан тузган шартномаси 2023 йил ёзида ўз ниҳоясига этади. Унинг трансфер қиймати 23 миллион еврога баҳоланмоқда.
Олдинроқ ОАВда Франциянинг ПСЖ клуби Менди билан шартнома имзолашни режалаштираётгани ҳақида хабар тарқалган эди.
Жорий мавсум ҳимоячи Англия Премер-лигасида 13 ўйин ўтказиб, иккита гол урди, битта голли пас берди.
