Ўзбекистон футбол ассоциацияси ушбу мавсумда Ўзбекистон Суперлигасига VAR тизимини жорий этди.
Ҳозиргача 8 тур давомида 16 учрашувда VAR технологиясидан фойдаланилди. Ана шу учрашувлар Суперлига ва Пролига ҳакамлари иштирокидаги онлайн-семинарда таҳлил қилинмоқда. Семинарни ФИФА инструктори Фарҳод Абдуллаев олиб бормоқда.
Икки кун давомида ҳакамлар барча эпизодларни атрофлича кўриб чиқиб, VAR билан ишлашни янада яхшилаш бўйича ҳулосаларга эга бўлишмоқда. Албатта, дастлабки мавсумда янги тизимда баъзи камчиликлар учраб турибти.
Уларни бартараф этиш, оперативлик ва аниқликни ошириш бўйича ФИФА мутахассиси ўз тавсияларини беряпти. 16 май куни онлайн-семинар ўз ишини давом эттиради.