"Тоттенхэм" бош мураббийи вазифасини бажарувчи Райан Мейсон ҳужумчи Ҳарри Кейн ҳақида фикрлари билан ўртоқлашди.
"Менинг камтарин фикримча, Ҳарри бу мавсумда АПЛнинг энг муҳим футболчиси бўлиши мумкин. У ҳозирда тўпурарлик жадвалини Салоҳ билан бўлишиб турибди (21 гол). Бундан ташқари у энг кўп голли узатмага эга. Шунинг учун агар соврин чемпионатнинг энг яхши футболчисига берилса, у ҳолда Ҳарри рўйхатда бўлиши керак ва бунга муносиб.
Сўнгги 5-6 йил ичида Кейн доимий равишда лигада юқори ўринларни эгаллаб келган ва бу йил ҳам бундан фарқ қилмайди. У дунёнинг энг яхши футболчиларидан бири, буни ҳаммамиз биламиз. Ва бу мавсумда у, эҳтимол, энг яхши статистикани кўрсатди", - дейди Мейсон.
Маълумот учун, 27 ёшли ҳужумчи жорий мавсум 32 та лига ўйинларида майдонга тушиб, 21 та гол ва 13 та голли узатмани амалга оширди.