ОФК кубоги 2-тури доирасидаги «Хўжанд» - «Насаф» учрашуви олдидан тожикистонликлар клуби бош мураббийи Рустам Хўжаев матбуот анжуманида «Насаф» клуби ҳақида илиқ фикрларни билдирди.

«Бу рақибимиз кучли чемпионатнинг тажрибали жангчиси, десак муболаға бўлмайди. Ҳеч кимга сир эмаски, Ўзбекистон – Марказий Осиёдаги топ-чемпионат саналади. «Насаф» яхши тайёргарлик ва ўз вазифаларига эга клуб. Аммо биз ҳам ўз олдимизга мақсад ва режаларни қўйганмиз. Икки жамоа ҳам ўз мақсади йўлида эртанги баҳсда зафар қучиши лозим. Ўйинга яхши тайёргарлик кўриб, эртага ғалаба қозонишга интиламиз.

- «Насаф»нинг Қирғизистон клубини йирик ҳисобда мағлуб этиши сизни чўчитмаяптими? «Хўжанд» эртанги ўйин учун яширин режага эгами?
- Биласизми, фикримча ҳозирги футболда ҳеч қандай сир қолмаган. Ҳамма жамоа ўзаро рақибини ўрганади, яширадиган ҳеч нарса йўқ. Рақибнинг аввалги ўйинда йирик ҳисобда ғалаба қозонгани бизни чўчитмайди. Рақибни ҳурмат қилган ҳолда майдонга тушамиз ва ўз ўйинимизни кўрсатишга интиламиз», - дея Рустам Хўжаевнинг сўзларини келтирмоқда Тожикистон клуби расмий сайти.