«Барселона» Испания чемпионати доирасида кетма-кет учинчи ўйинда ғалаба қозона олмай, соврин учун курашда сафдан чиқди. Каталонияликлар бу сафар ўз майдонларида "Сельта"ни қабул қилиб, имкониятни бой беришди.

Учрашувнинг 28-дақиқасида Лионель Месси ҳисобни очди. Аммо орадан 10 дақиқа ўтиб Санти Мина мувозанатни тиклади.

Иккинчи бўлимда Куман шогирдлари бир нечта имкониятлардан фойдалана олишмади. Баҳснинг 83-дақиқасида Лангле иккинчи сариқ карточкани олиб, майдонни тарк этди. Учрашувнинг асоси    й вақти тугашига бир дақиқа қолганида эса яна ўша Санти Мина "Барса" дарвозасини ишғол қилиб, каталонияликларни чемпионлик учун курашдан чиқариб юборди.

Испания Ла лигаси, 37-тур
Барселона – Сельта 1:2 (1:1, 0:1)
Голлар: 1:0 – 28 Месси, 1:1 – 38 Санти Мина, 1:2 – 89 Санти Мина.
Барселона – тер Стеген, Пике (Дест, 64), Араухо, Лангле, Альба, Мориба (Пьянич, 86), Бускетс, Дембеле (Тринкау, 70), Педри (Пуч, 46), Месси, Гризманн (Брэйтуэйт, 70).
Сельта – Вильяр, Араухо, Аарон Мартин, Васкес, Домингес, Мендес, Бельтран (Сотело, 90), Денис Суарес, Нолито (Солари, 69), Санти Мина, Аспас (Баэса, 78).
Огоҳлантиришлар: Домингес (51), Пуч (56), Лангле (73).
Четлатиш: Лангле (83).