Кеча Италия А Сериясида ўзига хос натижа қайд этилди.
«Кротоне» мусобақа доирасида меҳмонда «Беневенто» (1:1) билан дуранг қайд этди.
Opta'нинг маълумотига кўра, «Кротоне»нинг ушбу мавсумда ўз дарвозасидан ўтказиб юборган голлари 92тага етди. Бу – А Cерия антирекорди.
Бунгача ушбу кўрсаткич бўйича энг ёмон натижа «Казале»га тегишли эди – 1933/34 йилги мавсумда, 91 гол.
Эслатиб ўтамиз, «Кротоне»нинг В Серияга тушиб кетиши аллақачон маълум бўлган. Жамоа сўнгги турда «Фиорентина» билан баҳс юритади.
