«Манчестер «Юнайтед» бош мураббийи Оле-Гуннар Сульшер, УЕФА сўровига биноан, Европа Лигаси финали учун, ўйиндан 10 кун олдин матбуот анжумани ўтказди.
«Биз финалдамиз. Аксарият футболчиларим соғлом, мен эса яхши ҳолатдаман. Албатта, бу қувонарли. Биз ажойиб мавсумни ўтказдик, унда ҳамма иштирок этди. Биз кучли рақиб ҳисобланган «Вильярреал»ни мағлуб этиш учун энг яхши таркиб билан энг яхши ўйинимизни намойиш этамиз»
«Жамоани финалга олиб чиқиш имконияти мен учун фахрланиш лаҳзаси бўлади. Ахир биргаликда Икки ярим йил ишладик»
«Финалга чиқиш яхши нарса, лекин сиз уни ютишни хоҳлайсиз. Табиийки, иштирок этиш учун мукофот олмайсиз. Футболчиларнинг финал майдонига кириб боришини кўришни сабрсизлик билан кутаман»
«Биз Испания ва Италиянинг жуда яхши жамоаларига қарши ўйнадик. Албатта, бу турнирни Чемпионлар лигаси деб айта олмаймиз, чунки ундай эмас, лекин финал йўлида биз кучсиз жамоаларга дуч келмадик, биз ҳақиқий синовни енгиб ўтдик»
«Чемпионлар Лигасида «Манчестер Сити» ва «Челси» ўртасидаги финалчилни кўрамиз ва биз бу икки жамоага қарши жуда яхши ўйинларни ўтказдик»
«Бу ҳар доим қийин. Сиз финалда барча футболчингиз иштирок этишини хоҳлайсиз, аммо фақатгина 11 ўйинчини танлашга мажбурсиз. Белгиланган қатъий қарорлар мавжуд ва сиз уларга риоя қилишингиз керак»
«Бизда чемпионатда иккита якуний ўйин бор, улар финал учун бошланғич таркибни аниқ белгилаб олишда ёрдам беради. Аммо бу мавсумда бутун жамоанинг ҳиссасини қўшмасдан натижаларга эриша олмас эдик»
«Эсимда, сер Алекс нега ярим финалда ўйнамаганимни тушунтириш учун меҳмонхонамга келган эди. Аммо мен ҳали ҳам ўзимнинг ҳиссамни қўшишим кераклигини ҳис қилдим. Менинг барча футболчиларим ушбу мавсумда уларнинг рольлари борлигини билишади»
«Албатта, футболчилар майдонга кириб, жамоа учун, клуб учун ўзларини кўрсатишни ва ғалаба қозонишни истайдилар, Кубокни қўлга киритган пайтларда эса бутун клуб бир бугунга айланади»
«99 йилда ғалаба қозонганимизда ... бу тарихга кирди, аммо бу мени яхши ўйинчига айлантирмади. Аммо жамоа сифатида биз кўпроқ совринларни қўлга киритишимизга ишондик ва кейинги икки мавсум давомида бемалол чемпионликни қўлга киритдик. Бу жамоага кўп нарса беради»
«Бу клубга қандай таъсир қилишини вақт кўрсатади. Баъзида совринлар, мен айтганимдек, бошқа фактларни яширади. Биз оғир йўлни босиб ўтдик, тўртта ярим финалда мағлуб бўлдик»
«Магуайр: У«Манчестер Юнайтед» учун муҳимлигини кўрсатди. Унинг жамоамиз учун нимани англатишини ҳаммамиз анчадан буён билганмиз, лекин, эҳтимол, баъзи одамлар буни жароҳат олгандан кейингина пайқашган.
Магуайр бундан олдин «Манчестер Юнайтед» учун жуда муҳим ўйинчига айланганини аниқ ҳис қилдим. Гарри бизнинг этакчимиз. У сардор. У деярли ҳар доим энг юқори даражада ўйнайди, шу сабабли ҳозирда унинг йўқлиги мен учун катта муаммо, лекин умид қиламанки финалга қадар ўзини тиклайди. Мен унга қанча вақт керак бўлса, бераман. У менга «ҳа» ёки «йўқ» демагунча кутаман»
«Кейинги босқичдаги кубок ҳар доим энг муҳим ва энг каттадир. Мен диққатимни айнан шу нарсага қаратганман. Футболчи сифатида нима қилганим ҳақида ўйламайман. Ҳозир мен «Юнайтед» учун мураббий сифатида қўлимдан келган барча ишни қилишни истайман»
Дарвозабонлар ҳолати тўғрисида: «Мен жуда қийин қарорлар қабул қилишим керак деб ўйлайман. Энди бизда дарвозабонлар билан аввалгидан бошқача сценарий мавжуд. Иккаласи ҳам 30 та учрашув ўтказган, шу сабабли бу жуда қийин қарор бўлади. Бундан ташқари ҳам менда қабул қилиниши керак бўлган бир нечта қийин қарорлар мавжуд»
Қайд этиб ўтамиз, «Манчестер Юнайтед» 26 май куни Европа Лигаси финалида «Вильярреал» билан ўйнайди. Учрашув Гданскдаги (Польша) «Энерга Гданск» стадионида бўлиб ўтади.
