Франция терма жамоаси бош мураббийи Дидье Дешам "Реал" ҳужумчиси Карим Бенземанинг Евро-2020 қайдномасига киритилгани ҳақида фикр билдирди.
"Биз учрашдик, узоқ суҳбатлашдик. Шундан сўнг, ҳамма нарсани узоқ вақт ўйлаб, шундай қарорга келдим. Биз нима ҳақида суҳбатлашганимизни ошкор қилмайман, бу бизнинг орамизда қолади. Бу учрашув менга ҳам, унга ҳам керак эди. Менинг ишимда турли хил ҳолатлар бўлган ва ҳар доим керак бўлганда ўз фикримни четга сурар эдим. Франция терма жамоаси менга тегишли эмас, гарчи мен унга бўлаётган воқеалар учун, таркиб учун жавобгар бўлсам ҳам", - дейди Дешам.
Маълумот учун, Бензема 2015-йилдан буён биринчи марта Франция терма жамоасидан чақирув олди.
