"Милан" раҳбарияти А сериянинг 38-тури доирасида бўладиган "Аталанта"га қарши ўйинга футболчиларни ноодатий услубда тайёрлашга қарор қилди.
"Football Italia" хабар тарқатишича, жамоа бош мураббийи Стефано Пиоли ва клуб директори Паоло Мальдини футболчилардаги босимни олиб ташлаш мақсадида машғулот базасида барбекю уюштиришди.
"Аталанта" ва "Милан" ўртасидаги ўйин 23 май куни бўлиб ўтади. Мавсум тугашига бир тур қолганида "россонери" А серияда 76 очко билан 3-ўринни эгаллаб турибди. Тўртинчи поғонадаги "Наполи" ҳисобида ҳам шунча очко мавжуд. "Ювентус" эса улардан бир очко ортда қолмоқда.
"Милан" Чемпионлар лигаси йўлланмасини қўлга киритиш учун "Аталанта" устидан ғалаба қозониши керак.