14 февраль куни Малайзия пойтахти Куала-Лумпур шаҳрида 22-ёшгача бўлган ёшлар ўртасида Осиё чемпионати саралаш босқичига қуръа ташланади. Бу ёшдаги Ўзбекистон терма жамоаси Алексей Евстафеев жамоаси ҳисобланади.
Саралаш босқичида ОФКга аъзо бўлган давлатларнинг 47 тасидан 39 таси хоҳиш билдиришди. Кутилишича, турнирнинг финал босқичи 2013 йилнинг июнь ойида бўлиб ўтади. Осиё чемпионати якунлангач, 1991 йил ва ундан кейин туғилган футболчилар Бразилиянинг Рио де-Жанейро шаҳрида бўлиб ўтадиган XXXI ёзги олимпиада йўлланмаси учун баслашишни бошлашади.
Ёшлар (U-22) ўртасида Осиё чемпионати саралаш босқичининг иштирокчи давлатлари билан танишинг:
БАА, Бангладеш, Баҳрейн, Вьетнам, Жанубий Корея, Индонезия, Иордания, Ироқ, Кувайт, КХДР, Лаос, Ливан, Макао, Малайзия, Мальдив ороллари, Мьянма, Непал, Покистон, Саудия Арабистони, Сингапур, Сурия, Таиланд, Тожикистон, Туркманистон, Уммон, Фаластин, Филиппин, Хитой Тайпейи, Хитой, Шарқий Тимор, Шри-Ланка, Эрон, Яман. Япония, Ўзбекистон, Қатар, Қирғизистон, Ҳиндистон ва Ҳонгконг.
