"Арсенал" бош мураббийи Микел Артета ярим ҳимоячи Мартин Эдегорнинг келажаги ҳақида гапирди. Ҳозирча футболчи "Реал"га тегишли, шунинг учун ҳар қандай хулосага келиш эрта. Аммо, Артета Эдегорни кейинги мавсумда сақлаб қолишни истайди.
"Биз нима қилишни хоҳлаётганимиз тўғрисида жуда аниқ ва қатъий фикрга эгамиз. Эдегор бизнинг футболчимиз эмас. Яқин бир неча ҳафта ичида биз музокаралар олиб борамиз, лекин авваламбор унинг "Реал" футболчиси эканлигига ҳурмат билан қарашимиз керак. Биз Мартин жамоада ажойиб ўйнаши учун қўлимиздан келганича ҳаракат қилдик, менимча у буни амалга оширди. У бизнинг ўйин услубимизга ва футболимизга жуда мос тушди. Умид қиламанки, биз унга "Арсенал" яхши жой бўлишини ҳис қилдик", - дейди Артета.
