«Реал Мадрид» нинг 33 ёшли ҳужумчиси Карим Бензема Зинедин Зиданенинг «Қироллик клуби» бош мураббийлигидан кетиши мумкинлиги ҳақидаги миш-мишларга муносабат билдирди.
«Зидан кетаяптими? Ҳозирча бу борада биронта ҳам ишора йўқ. У кетмайди, кўрасиз», - дейди франциялик ҳужумчи.
Аввалроқ Зидан ўзининг келажаги яқин вақт ичида, «Реал Мадрид» раҳбарияти билан суҳбатдан сўнг, маълум бўлишини айтганди.
Эслатиб ўтамиз, мавсум охирида «Атлетико Мадрид» 86 очко билан Испания чемпионига айланди.
Иккинчи ўринни эса Мадриднинг яна бир клуби - «Реал Мадрид» 84 очко билан эгаллади. Кучли учликни 79 очко жамғарган Каталониянинг «Барселона» тугатди.
