«Реал» ҳужумчиси Бензема Франция терма жамоасига қайтиши ҳақида фикр билдирди
«Ўтган сешанба жуда ажойиб кун эди. Мадриддаги уйимдан кўплаб хабарларни қабул қила бошладим. Кўп одамлар мени терма жамоага қайтишимни хоҳлашди. Менинг қайтишим воқеа бўлиб туюлди. Мен ушбу онни телевизор олдида оилам билан яшаб, қувонч ва ғурур ҳис қилдим.
Биз учрашдик (Франция терма жамоаси бош мураббийи - Дешам), бу телефон орқали суҳбат эмас эди. Биз тўғри иш қилганимизга ишонч ҳосил қиллдик. 2015 йилдан, мени охирги марта чақиришган вақтдан бери биз бир-биримизни кўрмадик, лекин мен доимо у билан тил топишиб турардим. Биз ҳамма нарса ҳақида гаплашдик: футбол, ҳаёт, оила.
Дешам ва мен бир-биримизга 2015 йилда айтган барча нарсаларимизни айтиб бердик», - деди Бензема L'Equipe нашрига берган интервьюсида.
Эслатиб ўтамиз, Карим Бензема сўнгги бор терма жамоада 2015 йил 8 октябрда ўйнаган.
