«Вильярреал» устози Унаи Эмери Европа Лигаси финали доирасидаги МЮга қарши баҳс олдидан ўз фикрларини билдирди.

"Ўзимиздан фахрланамиз ва ўзимизга боғлиқ охирги босқич учун маъсулиятни ҳис қиляпмиз. Аммо, лойиҳамиз секинлашгани йўқ ва ривожланишдан тўхатамайди.

Европа Лигасида рақобат сезиларли ўсишга эришди. Ғолиб бўлишни мақсад қилган бир нечта топ клублар бор ва бу рўйхатда «Вильярреал» ҳам ўз ўрнига муносиб. Жуда яхши таркибга эга МЮ билан курашиш мақсадида энг яхши ўйинимизни кўрсатишимиз лозим.

Ғалаба қозона олмасак нима бўлиши ҳақида ўйламаяпмиз. Ўйин сурати ва тактикани назорат қилишни мақсад қилганмиз.

МЮ йўқ ўйинчиларнинг ўрнини тўлдириш имкониятига эга. Рақибни ҳурмат қиламиз, бу мусобақа, бу финал. Лекин, ўз ғоямиз орқали ғалаба қозонмоқчимиз, МЮнинг йўқотишлари ҳисобига эмас", — деди Эмери.