АПЛ май ойининг энг яхши мураббийи бўлиш учун номзодларни эълон қилди.

Давогарлар орасида Микел Артета («Арсенал»), Марсело Белса («Лидс»), Юрген Клопп («Ливерпуль») ва Дэвид Мойес ("Вест Хем") номлари келтирилган.

Артета ортда қолаётган ойда 5 ўйинда ғалаба қозонди. Улар орасида «Челси» устидан қозонилган ғалаба (1:0) ҳам мавжуд.

«Лидс» устози эса 4 ғалабага эришган. Мазкур ғалабаларнинг бири «Тоттенҳем»га қарши учрашувда (3:1) қўлга киритилган.

Клопп «Ливерпуль» билан жами 5 маротаба ғалаба қозонди ва МЮга қарши ўйиндаги ғалаба (4:2) катта аҳамиятга эга,

Мойеснинг "Вест Хем" жамоаси эса 5 учрашувда 3 ғалаба ва 1 дурангни қайд этган.

Апрель ойида АПЛнинг энг яхши мураббийи сифатида «Ньюкасл» устози Стив Брюс эътироф этилганди.