Испания чемпионати бугунги ўйинлари ниҳоясига етди. "Реал"ни таъқиб қилиб бораётган "Барселона" кутилмаганда, аутсайдерлардан бири "Вильяреал" дарвозасига йўл топа билмади.

Бугунги муваффақяитсизликнинг сабабини фақат Иньеста, Санчис, Педро каби футболчиларнинг жароҳати билангина баҳолаш тўғри эмас. Умуман, Гвардиола шогирдлари сафарда ўйнаш борасида муаммоларга дуч келишмоқда. Жамоа сафарда ўтказган 10 ўйиндан атиги тўрттасида ғалаба қозондилар. 

Энди "Реал" ва "Барселона" ўртасидаги фарқ етти очкога етди. "Барселона" бу фарқни йўққа чиқара оладими? Бу энди каталонияликлар қўлида эмас. Чунки мадридликларнинг етти очко йўқотишларига ҳам ишониш қийин. Маълумот учун, "Реал" бугунгача атиги етти очко йўқотган холос. 

Испания чемпионати. Ла-Лига. 20-тур.

ВИЛЬЯРРЕАЛ – БАРСЕЛОНА 0:0 

Огоҳлантиришлар: Мусаккьо (30), Гонсало (39), Марко Рубен (41), Маркос Сенна (69), Хоселу (77), Алькантара (89).
ВИЛЬЯРРЕАЛ: Диего Лопес, Жоан Ориоль, Мусаккьо, Гонсало, Анхель Лопес, Борха Валеро, Маркос Сенна (Марчена, 90), Бруно, Кани (Кастельяни, 72), Хоселу, Марко Рубен (Камуньяс, 83).
БАРСЕЛОНА: Вальдес, Абидаль, Пике (Санчес, 60), Пуйоль, Адриано (Тельо Эрерра, 76), Маскерано, Фабрегас, Бускетс, Хави (Алькантара, 76), Дани Алвес, Месси.