Серхио Агуэро «Манчестер Сити»ни тарк этади. Аргентиналик футболчи «шаҳарликлар» билан сўнгги учрашувини - 29 май куни бўлиб ўтадиган «Челси»га қарши Чемпионлар Лигаси финалида ўтказади.
Айни пайтда Агуэро ўзининг 10-рақамини кимга қолдиришни хоҳлаши ҳақидаги саволга жавоб берди.
«Менимча, 10-рақамни Филь Фоденга бериш керак. Шунчаки Кевин де Брюйне 17-рақамдан бошқа клубларда ҳам фойдаланган ва у буни ўзгартирмайди деб ўйлайман. Фильда ҳам жуда ажойиб фазилатлар бор», - дейди аргентиналик ҳужумчи.
Серхио Агуэронинг навбатдаги клуби «Барселона» бўлиши кутилмоқда. Хосеп Гвардиоланинг айтишича, ҳужумчи каталонияликлар билан шартнома имзолашга яқин турибди.
