Serxio Aguero «Manchester Siti»ni tark etadi. Argentinalik futbolchi «shaharliklar» bilan so‘nggi uchrashuvini - 29 may kuni bo‘lib o‘tadigan «Chelsi»ga qarshi Chempionlar Ligasi finalida o‘tkazadi.
Ayni paytda Aguero o‘zining 10-raqamini kimga qoldirishni xohlashi haqidagi savolga javob berdi.
«Menimcha, 10-raqamni Fil Fodenga berish kerak. Shunchaki Kevin de Bryuyne 17-raqamdan boshqa klublarda ham foydalangan va u buni o‘zgartirmaydi deb o‘ylayman. Filda ham juda ajoyib fazilatlar bor», - deydi argentinalik hujumchi.
Serxio Agueroning navbatdagi klubi «Barselona» bo‘lishi kutilmoqda. Xosep Gvardiolaning aytishicha, hujumchi kataloniyaliklar bilan shartnoma imzolashga yaqin turibdi.
