26 май, чоршанба куни Европа лигасининг финал баҳси бўлиб ўтди. Гданск шаҳрида бўлиб ўтган «Вильярреал» ва «Манчестер Юнайтед» жамоалари ўртасидаги учрашувнинг асосий ва қўшимча вақти дуранг билан якунланган бўлса, пенальтилар сериясида испанияликлар 11:10 ҳисобида ғалаба қозонишди.
УЕФА финалнинг энг яхши ўйинчиси номига даъвогарлар номини эълон қилди.
Этьен Капу («Вильярреал» ярим ҳимоячиси) — узатмаларининг 81 фоизи аниқ бўлди.
Скотт Мактоминей («Манчестер Юнайтед» ярим ҳимоячиси) — узатмаларининг 81 фоизи аниқ бўлди, битта голга узатма берди.
Эдинсон Кавани («Манчестер Юнайтед» ҳужумчиси) — битта гол муаллифига айланди.
Жерар Морено («Вильярреал» ҳужумчиси) — битта гол муаллифига айланди.
