26 may, chorshanba kuni Yevropa ligasining final bahsi bo‘lib o‘tdi. Gdansk shahrida bo‘lib o‘tgan «Vilyarreal» va «Manchester Yunayted» jamoalari o‘rtasidagi uchrashuvning asosiy va qo‘shimcha vaqti durang bilan yakunlangan bo‘lsa, penaltilar seriyasida ispaniyaliklar 11:10 hisobida g‘alaba qozonishdi.
UEFA finalning eng yaxshi o‘yinchisi nomiga da’vogarlar nomini e’lon qildi.
Etyen Kapu («Vilyarreal» yarim himoyachisi) — uzatmalarining 81 foizi aniq bo‘ldi.
Skott Maktominey («Manchester Yunayted» yarim himoyachisi) — uzatmalarining 81 foizi aniq bo‘ldi, bitta golga uzatma berdi.
Edinson Kavani («Manchester Yunayted» hujumchisi) — bitta gol muallifiga aylandi.
Jerar Moreno («Vilyarreal» hujumchisi) — bitta gol muallifiga aylandi.
