«Барселона» бош мураббийи Хосеп Гвардиола ўз клуби ва «Реал» ўртасидаги очколар фарқи 7 тагача ошишига сабаб бўлган «Вильярреал»га қарши ўйин ҳақида фикрларини билдирди.

«Жуда яхши ўйнадик, майдон бўйлаб кўп ҳаракатландик. Ла-Лиганинг қолган 18 та ўйинида ҳам ҳар бир очко учун бугунгидек курашишимизни истардим. Ўйин борасида бизга эътирозлар бўлмаслиги керак.

Охиригача кураш олиб борамиз. Энди ҳар бир ўйинда ғалаба қозонишимиз талаб этилади. Гарчи, 5 очколик фарқ 7 очколик фарқдан қулайроқ эди.

Бугунги ўйинимизга «Реал» билан бўлиб ўтган матч таъсир кўрсатди, деб ўйламйман. Биз ўйин сўнгига бориб чарчаб қолганимиз йўқ, чунки мана тўртинчи мавсумдирки, ҳар уч кунда матч ўтказмоқдамиз», – дея Гвардиола фикрларини келтиради AS.