"Манчестер Сити" ушбу ёзда ўз таркибини сезиларли даражада қайта тузишни режалаштирмоқда. Хосеп Гвардиола сўнгги пайтларда Рахим Стерлингнинг ўйинидан норози бўлмоқда. Айни шу сабабли ҳам англиялик футболчи клубни тарк этиши мумкин. Шунингдек, Рияд Марезнинг келажаги ҳам сўроқ остида қолмоқда.
Жазоирлик вингер эса ажойиб мавсумни бошдан кечирмоқда, аммо муносиб таклиф тушса, клуб уни сотишни ўйлаб кўради. Кутилмаганда "Арсенал" икки юлдуз учун даъвогар сифатида қаралмоқда. Микел Артета ҳар иккала футболчининг даражасини юқори баҳолаган. "Манчестер Сити" эса ушбу ёзда Жек Грилиш ва Ҳарри Кейн билан шартнома имзолашни кутмоқда.