Серхио Агуэро шанба куни «Манчестер Сити» таркибидаги сўнгги ўйинини ўтказди.
Чемпионлар Лигаси финалида «Челси»га қарши ўйинда «шаҳарликлар»нинг тирик афсонаси деб аташ мумкин бўлган аргентиналик, жамоасининг чемпион бўлишига ёрдам беролмади. Якунловчи ҳуштакдан сўнг, Агуэро кўз ёшларини тия олмади.
Ушбу мағлубиятдан бир кун ўтиб, Агуэро «Барселона» учун тиббий кўрикдан ўтиши керак. Яқин келажакда аргентиналик ҳужумчи каталонияликлар билан икки мавсумга шартнома имзолаб, янги карерасини бошлайди.
Бу ҳақда таниқли инсайдер Николо Шкира ўзининг твиттердаги саҳифасида маълум қилмоқда.
