Мадриднинг "Реал" клуби ҳужумчиси Гарет Бэйл Евро-2020дан кейин футболдан кетиши мумкинлиги ҳақидаги маълумотларга изоҳ берди. Аввалроқ уэлслик форвард Евро-2020 мусобақасида ўйнашни хоҳлаётгани, шундан сўнг у "Реал" билан шартномани бекор қилиш ва фаолиятини якунлаш учун музокара ўтказиш имкониятини кўриб чиқаётгани ҳақида хабар берилган эди.
"Шубҳасиз, бу ҳақда кўп ёзилган. Мен кўпроқ бетартиблик ёки чалғитишга олиб келадиган ҳеч нарса демоқчи эмасман. Шунчаки диққатимни Евро-2020га қаратмоқчиман. Муаммоларни келтириб чиқарадиган бирор нарса дейишдан йироқман. Мен бор эътиборимни фақат Евро-2020га қаратаман. Биз учун мусобақа тугагач, мен ўтириб нима қилишимни ҳал қиламан", - дейди Бэйл.
