"Бавария" ҳимоячиси Жером Боатенг Франция чемпионатида фаолиятини давом эттириши мумкин. Журналист Нико Скирнинг сўзларига кўра, "Монако" 32 ёшли немис билан икки йиллик шартнома имзоламоқчи. Боатенг шу йилнинг ёзида "Бавария" билан шартномасини якунлайди, шу сабабли у янги жамоага текинга қўшилиши мумкин.
Илгари, футболчи "Монако" устози Нико Ковач билан ишлаган. Боатенг ушбу мавсумда барча мусобақаларда 39 учрашувда 2 та гол ва 1 та голли пасни амалга оширди. Эслатиб ўтамиз, олдинроқ "ПСЖ", "Тоттенхэм", "Лацио", "Рома", "Барселона" ва "Челси"дан немис ҳимоячисига қизиқиш борлиги ҳақида хабар берилган эди.
