Хабар берганимиздек, айни кунларда Тошкентда самбо бўйича ўсмирлар, ёшлар ва катталар ўртасида Осиё чемпионати бўлиб ўтмоқда.
Бугун беллашувлар ўтказилаётган «Универсал» спорт мажмуасида тантанали очилиш маросими бўлиб ўтди. Очилиш нутқида МОҚ раиси Рустам Шоабдураҳмонов, Туризм ва спорт вазирининг ўринбосари Аваз Каримов сўз олиб, юртимизда жисмоний тарбия ва спортга қаратилаётган эътибор хусусида тўхталиб ўтишди.
Маросимда, шунингдек, МОҚ Бош котиби Ойбек Касимов, Ўзбекистон спорт фахрийлари кенгаши раиси Баҳодир Махситов ва кенг спорт жамоатчилиги вакиллари иштирок этишди.
