Тошкентнинг «Бунёдкор» футбол клуби делегацияси 1 февраль куни тонгги рейс билан Туркияга жўнаб кетди.
«Қалдирғочлар» Тошкент-Истамбул-Анталия йўналиши бўйича парвоз қиладилар. У ерда «Бунёдкор» аъзолари «Blue waters» меҳмонхонасида истиқомат қиладилар. Ушбу отелга тегишли майдонлар бунёдкорчиларга хизмат қилади.
Миржалол Қосимов Анталия йиғинига 22 нафар футболчини олиб кетди.
Дарвозабонлар: Игнатий Нестеров, Виктор Мочалов, Нодир Иброхимов
Ҳимоячилар: Акмал Шораҳмедов, Хайрулла Каримов, Анвар Ғофуров, Артём Филипосян, Славолюб Жоржевич, Жавлон Мирабдуллаев, Саҳоб Жўраев
Яримҳимоячилар: Лутфулла Тўраев, Шавкат Саломов, Виктор Карпенко, Дилшод Жўраев, Илҳомжон Бойдедаев, Алибобо Раҳматуллаев, Яннис Мандзукас, Руслан Мельзиддинов
Ҳужумчилар: Анвар Ражабов, Анваржон Солиев, Камолиддин Мурзоев, Баҳодир Пардаев
Икки ҳафталик йиғин мобайнида тўртта ўртоқлик учрашуви ўтказилиши кўзда тутилган.
