Кеча, (бир ухлаб тургандан кейин, кеча ҳисобланади-да, тўғрими :)) Испания кубоги ярим финалининг бир учрашуви бўлиб ўтди. Ўзига хос сенсация яратиб, ярим финалгача етиб борган “Мирандес” клуби ўз майдонида “Атлетик”ни қабул қилди. 
Бу сафар “эртак” ўхшамади. Меҳмонларнинг етакчи ҳужумчиси Льоренте биринчи таймдаёқ икки гол киритиб, меҳмонлар учун қулай ҳисобни юзага келтирди. Майдон эгалари сўнгги дақиқада ҳисобни қисқартирдилар холос. Лекин сафардаги ўйинда ижобий натижага эришиш учун бу гол етарли бўлмаса керак.
Бугун ярим финалнинг яна бир ўйини (бир ухлаб турмаганимиздан кейин, бугун бўлади-да, тўғрими :)) бўлиб ўтади. Тошкент вақти билан тунги соат 01.00 да “Барселона” “Месталья”да меҳмон бўлади.

МИРАНДЕС – АТЛЕТИК – 1:2

Голлар: Льоренте (18), Льоренте (27), –Ламбарри (90).
Огоҳлантиришлар: Р.Гарсия (45), Итурраспе (56), Хави Мартинес (61), Корраль (67), Давид Лопес (77), Мухика (85),Иньиго Перес (88).