Халқаро ўртоқлик учрашувида Германия терма жамоаси ўз уйида Латвияни йирик ҳисобда мағлуб этганидан хабарингиз бор (7:1).
Германия жамоаси таркибида дарвозабон Мануэль Нойер майдонга тушди. У ўзининг терма жамоадаги 100-ўйинини ўтказди, бу ушбу ёш тоифасидаги дарвозабонлар учун рекорд ҳисобланади. Ўйиндан олдин кипернинг шериклари унинг учун рамзий коридор ташкил қилишди.
Фақатгина 12 нафар футболчи Германия терма жамоасида «Бавария» дарвозабонидан кўпроқ ўйин ўтказган. Улар орасида етакчи ўйинчи Лотар Маттаус - у 150 та учрашувда Германия шарафини ҳимоя қилган.
