"Тоттенхэм" ва Англия терма жамоаси ҳужумчиси Ҳарри Кейннинг фикрига кўра, айни пайтдаги Англия терма жамоаси ЖЧ-2018 мусобақасидагидан кучли.

- Ҳозир жамоанинг таркиби 2018-йилга қараганда кучлими?

« - Менимча, ҳа. Биз аввалгидан яхшироқ ҳолатдамиз. Жаҳон чемпионатига борганимизда, жамоавий ўйинимизга ишончимиз комил эмас эди, аммо биз жуда яхши ўйнадик.

Энди биз кўпроқ тажрибага эга бўлдик. Футболчилар ўз клублари билан катта учрашувлар ўтказишган ва бу тажриба терма жамоага Евро-2020'да ёрдам беради.

Бизнинг ҳолатимиз яхши эканлигини ҳис қиляпман. Ўйлайманки, биз ҳали кўп меҳнат қилишимиз керак.

Терма жамоа узоқ вақтдан бери совринларни қўлга кирита олмаяпти, шунинг учун биз ушбу турнирнинг финал босқичига чиқиш учун бор кучимизни намойиш этамиз.

Албатта, бу йил Жаҳон чемпионатига қараганда жиддийроқ босим остида қоламиз. Биз буни шунчаки оддий нарса сифатида қабул қилишимиз ва қийинчиликни тезда енгишимиз керак», - деди Кейн.