"ПСЖ" ҳужумчиси Килиан Мбаппе клуб ёзги трансферлар вақтида таркибни кучайтирса, шартномасини узайтиради, деб хабар бермоқда Le Parisien.
Манбанинг хабарига кўра, Мбаппе барча совринларни ютмоқчи, шу сабабли у жамоани кучайтириш учун кафолат талаб қилади. Форвард Евро-2020дан кейинги келажаги тўғрисида қарор қабул қилади.
Эслатиб ўтамиз, Мбаппенинг "ПСЖ" билан шартномаси 2022-йил ёзигача амал қилади. Агар томонлар рози бўлмасалар, унда парижликлар футболчини сотиб юборишлари керак, акс ҳолда бир йилдан сўнг у текинга кетади.
Ўтган мавсум 22 ёшли Мбаппе "ПСЖ" таркибида барча турнирларда 47 учрашув ўтказган, 42 гол урган ва 11 голга узатма берган
