Будапештда ўтаётган дзюдо бўйича жаҳон чемпионатининг -90 кг вазн тоифасида иштирок этаётган ҳамюртимиз Давлат Бобонов финал йўлланмасини қўлга киритди.
Навоийлик полвонимиз мусобақани япониялик Санширо Мураога қарши баҳс билан бошлади. Қийин кечган беллашувда Бобонов қўшимча дақиқаларда ғалабани ўз фойдасига ҳал қилди.
Шундан сўнг исроиллик Ли Кочман, қозоғистонлик Ислам Бозбоев, ярим финалда эса венгриялик Кристиан Тос мағлуб этилди.
Энди дзюдочимиз жаҳон чемпионлиги учун испаниялик Николоз Шеразадишвилига қарши баҳс олиб боради.
