Кириш Регистрация
21/06 02:00 Венесуэла 2-2 Эквадор
21/06 05:00 Колумбия 1-2 Перу
21/06 21:00 Македония 0-3 Нидерландия
21/06 21:00 Украина 0-1 Австрия
21/06 23:59 Россия 1-4 Дания
21/06 23:59 Финляндия 0-2 Бельгия
22/06 20:00 АГМК - Қизилқум
22/06 23:59 Хорватия - Шотландия
22/06 23:59 Чехия - Англия
23/06 20:00 Пахтакор - Андижон
23/06 20:00 Металлург - Насаф
23/06 21:00 Словакия - Испания
23/06 21:00 Швеция - Польша
23/06 23:59 Португалия - Франция
23/06 23:59 Германия - Венгрия

Германия: Лёвнинг сўнгги турнири

Баҳо:
+ | -

2017 йили бўлиб ўтган Конфедерациялар кубогида Германия терма жамоасининг иккинчи таркиби билан асосий совринни қўлга киритиши кўпчиликда «бундестим»нинг захираси жуда катта деган таасуротни уйғотган эди. Аммо якунда Ёаҳим Лёв шогирдлари мудиалнинг гуруҳ босқичида Швеция, Мексика, Жанубий Кореядан ҳам кейинги ўринни банд қилишди. Бу ҳам етмаганидек Европа Миллатлар лигасида ҳам жамоанинг ишлари юришмади ва немислар у ерда ҳам сўнгги ўринда қолиб кетишди. Миллатлар лигасининг иккинчи мавсумида эса жамоа иккинчи ўринни эгаллади. Аммо Лёв шогирдлари асосий рақиб Испаниядан 6:0 ҳисобидаги ўта аламли мағлубиятни қабул қилиб олгани кўпроқ муҳокамага сабаб бўлди.

Лёвнинг ҳаддан зиёд тажрибаларга берилиб кетиши, асосан ёшларга имконият тақдим этиши ва тажрибали футболчиларни эрта ҳисобдан чиқариши терманинг натижаларига салбий таъсир ўтказиб жамоа салобатини бироз йўқотиб қўйди. Бир сўз билан айтганда немислар учун сўнгги турнирлар унчалик ҳам муваффақиятли келмади. Бироқ бу немисларни ҳисобдан чиқариш керак дегани эмас. Ҳар қалай Германия мазкур турнирнинг энг омадли жамоаси ҳисобланади.

«Бундестим» Европа чемпионати сарлашини анча ишончли тарзда босиб ўтди. Саккиз ўйиндан еттитасида ғалаба. Ягона мағлубият нидерландияликлардан қабул қилиб олинди. Немислар умумий ҳисобда 28та гол уриб ўз дарвозаларидан 3та тўп олиб чиқишди. Энг яхши тўпурар Серж Гнабри бўлди. «Бавария» футболчиси 8та голни ўз ҳисобига ёздириб қўйди.

Евро учун танланган футболчиларга назар солсак. Лёв учун бу Германия мураббийлигидаги сўнгги турнир бўлгани сабабли у ўзи ишонган футболчиларни таркибга жалб қилди. Азалдан Лёв жамоасининг қолган терма жамоалардан устун томонларидан бири бу бир текис тузилган, кучли таркиб бўлар эди. Евро арафасида яна шундай таркиб жам бўлди десак муболаға бўлмайди. Ветеранлардан Ноер, Мюллер, Кроос ва Хуммелс, Чемпионлар лигаси ғолиблари Вернер, Хавертс ва Рюдигер ҳам ажойиб кайфиятда терма жамоага етиб келишди. Финал иштирокчиси Гюндоган, ўтган мавсумнинг энг сермаҳсул ҳимоячиси Гозенс ҳам таркибда. Хуллас энг саралар Еврода иштирок этишади.

Кўпчилик манбалар Францияни асосий фаворит деб билишаётган бўлса, иккинчи поғона айнан немисларга берилаётгани бежис эмас. Лёв Фликка чемпион жамоани қолдириб кетишни исташи аниқ.

Ҳасан Турдиалиев

Манба: t.me/Turdialiyev_Hasan
Киритилди: 19:28, 10.06.2021.
Ўқилди: 2372 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.