Tuttomercatoweb хабарига кўра, «Ювентус»нинг собиқ дарвозабони Жанлуиlжи Буффон фаолиятини Испанияда давом эттириши мумкин.

Манбанинг хабарига кўра, «Атлетико» ва «Барселона» 43 ёшли италияликни қўлга киритиш учун даъво қилмоқда. Ўз навбатида фахрий ҳам Испаниянинг топ-клубларида вақтини ўтказишга  қарши эмас.

Шунингдек, бошқа бир эҳтимолий бўлган вариантлардан бири - Буффон ўз фаолиятини бошлаган "Парма".

Эслатиб ўтамиз, Буффон «зебралар» сафида 2001 йилдан бери ўйнаб келмоқда. У Турин жамоаси билан ўн карра Италия чемпиони, тўрт карра мамлакат кубоги ғолиби ва олти карра суперкубок соҳиби бўлди. У 2018/19 йилги мавсумни ПСЖда ўтказди, шундан сўнг яна Турин клубига қайтди.

Ўтган мавсумда Буффон жамоаси сафида 12 та ўйин ўтказиб, 7 та гол ўтказиб юборган.