Украина терма жамоаси яримҳимоячиси Руслан Малиновский Евро-2020 мусобақасида Нидерландия билан бўладиган ўйин ҳақида гапирди.
«Уларда майдоннинг олдида ва марказида жуда яхши ўйинчилар бор. Улар топ-клубларда ўйнашади. Агар уларга эркин зоналар берадиган бўлсак, бизда жуда кўп муаммолар бўлади. Бу гуруҳдаги учта ўйиннинг фақат биринчиси. Албатта, биз очко олишни истаймиз, аммо бу ҳал қилувчи баҳс эмас. Шунинг учун, биз ушбу ўйинда ўзимизни бироз эркинроқ тутишимиз керак.
Бизга дастлабки 20 дақиқада максимал концентрация керак, биз гол ўтказиб юбормасликка ҳаракат қилишимиз талаб этилади. Шунда биз ўйинга киришиб, ўз футболимизни намойиш эта оламиз. Голландлар билан очиқ футбол ўйнаш яхши фикр эмас. Бизда бир нечта олдиндан режалар мавжуд, аммо келинг, уларни ўйин пайтида намойиш этайлик.
Яхши тайёргарлик кўрдик. Нидерландия терма жамоаси қийин рақиб, аммо биз учрашувга тайёрмиз. Улар уйида ўйнашади, шунинг учун улар биринчи дақиқаларданоқ ҳаракат қилишади. Асосийси, ҳимояда яхши ўйнаш ”, - деди Малиновский.
