Франк де Бур Нидерландия терма жамоаси учун Европа чемпионатининг бошланишини сарҳисоб қилди. Мураббийнинг фикрича, унинг футболчиларида Ярмоленконинг биринчи голини ўтказиб юбормаслик имконияти бўлган.

«Биз Украина термаси жуда яхши жамоа эканлигини билардик. Улар бизнинг босимимизга дош бериб, қарши ҳужумда ўйнаш имкониятларини топди.

Иккита ўтказиб юборилган гол ҳам яққол ўз хатойимиз туфайли бўлди. Бу жуда аламли эди. Рақибларингизга хавфли дақиқаларни бермасликка ҳаракат қилишингиз керак.

Учрашув давомида Зинченко ўз позициясини ўзгартирди: Марлосни алмаштиргандан сўнг у чап қанотда ўйнай бошлади.

Ҳимоямиз муваффақиятсизликка учради, шунинг учун иккинчи голни ўтказиб юбордик. Хато кейинги сафар такрорланмаслиги учун буни ҳисобга олишимиз керак.

Ўтказиб юборилган иккинчи голга келсак, иккита футболчи ҳаддан ташқари олдинга чиқиб кетишди, шу сабабли бу ерда офсайд ҳолати йўқ эди.

Ҳамма биладики, қачондир рақиб ўз имкониятига эга бўлади. Бу каби вазиятларга қўйиб бермаслик керак", - дейди Де Бур.