Португалия терма жамоаси ҳужумчиси Криштиану Роналду Венгрия устидан қозонилган ғалаба ҳақида фикр билдирди.
«Асосий мақсад ғалаба эди. Биз буни уддаладик. Учрашув анча қийин кечди, рақиб яхши ҳимоя қилди, аммо биз уч марта гол урдик. Дублда менга ёрдам бергани учун шерикларимдан миннатдорман.
Еврони муваффақиятли бошлаш, ўзига ишончни қозониш муҳим эди. Ҳозир ғалабага чанқоқман. Биз ушбу муваффақиятни мустаҳкамлашимиз ва кейинги ўйинда ғалаба қозонишимиз керак», - дея Роналдунинг сўзларини келтирмоқда УЕФА матбуот хизмати.
