"Тоттенхэм" ҳужумчиси Сон Хин Мин Лондон клуби билан шартномасини узайтиради. Томонлар декабр ойидан бери музокаралар олиб боришмоқда ва деярли барча шартларни келишиб олишди, деб хабар бермоқда журналист Фабрицио Романо.
28 ёшли корейснинг амалдаги шартномаси 2023-йилда тугайди. У клуб билан яхшиланган шартларда янги узоқ муддатли шартномани имзолайди.
Эслатиб ўтамиз, Сон Хин Мин мавсум якунида жамоанинг энг яхши футболчиси деб топилганди.
Сон 2020/21 йилги мавсумда "Тоттенхэм" таркибида барча мусобақаларда 50 ўйинда майдонга тушиб, 22та гол урди ва 17та голли пас берди.
